Watu wawili wamethibitishwa kufariki huku wengine kadhaa wakikimbizwa hospitalini kufuatia ajali mbaya ya barabarani huko Machakos.
Ajali hiyo ilitokea Jumamosi, Desemba 17 asubuhi karibu na soko la Kithyoko, Kaunti ya Machakos na kuhusisha matatu ya abiria na gari la kibinafsi.
Ripoti za awali zinaonyesha kuwa magari hayo mawili yalikuwa yakielekea Mwingi matatu ilipojaribu kulipita gari la kibinafsi na kulivamia bila mafanikio.
Wasamaria wema waliokuwa miongoni mwa watu wa kwanza kufika eneo la ajali waliwakimbiza majeruhi katika vituo vya afya vilivyo karibu vya Mwingi na Kithyoko kwa matibabu.
Ajali hiyo ilitokea siku nne tu baada ya watu wanane kufariki katika ajali iliyohusisha magari mengi mjini Nakuru.
Ajali hiyo pia iliwaacha wengine 23 wakiuguza majeraha mabaya katika Hospitali Kuu ya Mkoa wa Rift Valley na kumfanya Katibu wa Baraza la Mawaziri la Uchukuzi, Kipchumba Murkomen kuchukua hatua.
Kwa mujibu wa mashuhuda, ajali hiyo ilitokea wakati lori lilipovamia magari hayo mawili yaliyokuwa yakielekea njia tofauti.
“Matatu zote mbili zilikuwa na abiria 14 kila moja, polisi waliofika mara moja walithibitisha watu wanane kufariki na watu 23 walikimbizwa hospitalini wakiwa katika hali mahututi,” OCPD wa Nakuru Magharibi Edward Ogware alisema.
“Jioni ya leo nimeagiza Mamlaka ya Kitaifa ya Barabara Kuu ya Kenya kutekeleza mara moja hatua za kutosha kuzuia ajali zozote kama hizo.
“Hatua zitakazochukuliwa ni pamoja na uwekaji wa alama za nidhamu kutoka kwa njia zote mbili za njia tatu, kuweka kikomo cha kasi cha 50KPH kwa njia zote mbili na kutumia bunduki za mwendo kasi na polisi kutekeleza sheria,” ilisoma taarifa ya CS Murkomen iliyotolewa mnamo. Jumanne jioni.
Wakaazi wa eneo hilo walisema ajali hizo zimekithiri na kuongeza kuwa eneo hilo limekuwa doa jeusi.
