MGONGANO WA SHREEJI
Katika kaunti ya Bungoma kuna mji mzuri wa Kanduyi, mji ambao unasemekana kuwa mdogo lakini una mambo mengi yasiyotarajiwa. Katikati ya Kanduyi kuna moja ya kituo cha mafuta kinachopendelewa zaidi, Kituo cha Mafuta cha Shreeji, kinachojulikana kama OLA.
Mmiliki wa kituo hicho hakujua kwamba kweli Alhamisi ya tarehe 22 Septemba itakuwa siku mbaya kwake, labda moja ya mbaya zaidi. Kamishna wa Kaunti, maafisa wa NEMA, ofisi ya mazingira ya kaunti, Chifu, Asasi za Kiraia, Tume ya Kitaifa ya Malalamiko ya Mazingira na wataalam wa maji walimwandama. Wote walikuwepo kwa niaba ya wakazi wasiojulikana ambao walikuwa wakilalamikia ‘ukatili’ wa mmiliki wa Shreeji. Inaonekana kama hakutarajia.
“Malalamiko hii yetu imekuwa huko kwa muda mrefu na tunataka tusuluhishe mara moja na ndio maana tumehusisha wadau wote, maafisa wa kaunti, kamishna wa kaunti, maafisa wa NEMA, maafisa wa tume ya malalamishi ya mazingira, na wataalamu wa maji. Haya malalamishi tunataka yadhibitiwe kisayansi. Malalamishi ni kwamba maji ya Mto Sio unachafuliwa na kituo chako cha mafuta.” Mwenyekiti wa Tume ya Malalamishi ya mazingira alihoji mwenye kituo.
Hakuona kabisa haya yote yakija. Wakazi hawa ni akina nani? Malalamishi yao ni yapi? Je, ni kweli? Na bila shaka, kuna ushahidi? Haya yote ni maswali ambayo nilijiuliza. Maafisa hao walikuwa na madai yao. Walitaka kukagua kituo hicho na kuona mifumo ya mifereji ya maji na ufanisi wake. Walisema watachukua sampuli 3 kwa ajili ya vipimo ambavyo vitafanyika kwa vipindi na watu mbalimbali. Ripoti kamili itatolewa baada ya miezi 6.
Subiri, miezi 6 ni muda mwingi kwa wakazi kusubiri. Vipi ikiwa athari za uchafuzi wa mazingira zitaendelea kuwaathiri? Madhara yote au uchafuzi wa mazingira hutokana na mkondo wa maji unaobeba taka zote kutoka kituo cha Petrol hadi Mto Sio usio na hatia.
Nilipata fursa ya kutembelea mji mdogo wa Kanduyi na hasa eneo linalozunguka Kituo cha Mafuta cha Shreeji. Lengo langu lilikuwa ni kuwahoji baadhi ya wakazi wa hapo na kujua kama tuhuma hizo ni za kweli.
Sauti ya maji yanayotembea ni ufafanuzi wazi wa utamu wa asili. Ndiyo maana HAKUNA MTU anayehitaji kukatiza amani ya asili. Huyu jamaa wa Shreeji aliamua tu kukiuka hili na ndio maana wapenzi wa mandhari hawawezi kamwe kulichukulia jambo hilo kirahisi.
“Hili si jambo la kufanyia mzaha, hili ni jambo ambalo tunaweza kuamua kufunga kituo hiki cha mafuta mara moja. Kwa hivyo uchukulie kuwa jambo la maana sana.” Afisa wa Tume ya Malalamishi ya Mazingira alimwambia mwenye kituo.
Nitafuatilia kuona kama malalamishi ya wananchi yatazingatiwa na kama haki itatendeka sawa na ‘wapiganaji wa mazingira’
Na Calvin Angatia
